Американскиот специјален пратеник Келог во Киев за Денот на независноста на Украина
Специјалниот пратеник на САД за Украина, Кит Келог, ќе ја посети украинската престолнина Киев по повод 34-годишнината од независноста на земјата, објави новинарот на „Ројтерс“, Греам Слатери, на 21 август во Х (поранешен Твитер), јавува БГНЕС.
„Според извори, американскиот пратеник за Украина Кит Келог ќе пристигне во Киев утре за да учествува на молитвен појадок и на свеченостите по повод Денот на независноста. Тој ќе разговара и со лидерите за дипломатските случувања од оваа недела“, напиша Слатери.
Посетата на Келог се случува во период кога САД, Украина и Европа активно дискутираат за гаранции за безбедност, кои се сметаат за клучни за долгорочниот мир во Украина и за одвраќање на идна руска агресија.
