Никола Цолов e меѓу кандидатите за место во Формула 1 во 2027 година

Бугарскиот пилот Никола Цолов е меѓу најследените млади возачи во Формула 2 во пресрет на пазарот за места во Формула 1 за сезоната 2027, објави PlanetF1, пренесува БГНЕС.

Деветнаесетгодишниот Цолов, член на програмата за млади таленти на Red Bull, е лидер во шампионатот во Формула 2 и забележа три последователни победи на „Ред Бул Ринг“ и „Силверстоун“.

Неговото име се поврзува со можно место во Racing Bulls, каде што во моментов настапуваат Лијам Лосон и Арвид Линдблад. Шефот на тимот Алан Пермејн ги оцени информациите за ангажман на Цолов како „само гласини“, но потврди дека тимот го следи неговиот развој.

„Ништо не се случило досега во однос на разговорите за мојата иднина. Но, немам сомнеж дека ако сè продолжи вака, еден ден сигурно ќе добијам можност“, изјави Цолов за Sky Sports F1.

Доколку во 2027 година нема слободно место, PlanetF1 наведува дека Цолов би можел да остане резервен возач на Red Bull и да стекнува искуство преку тестирања и учества на слободни тренинзи во Формула 1.