САШО МИЈАЛКОВ ДОБИ 3, А МЕНДУХ ТАЧИ 3 ГОДИНИ И 2 МЕСЕЦИ ЗАТВОР ЗА СЛУЧАЈОТ ТИТАНИК 2
Три години затвор за екс директорот на УБК, Сашо Мијалков, а три години и два месеци затвор за лидерот на ДПА, Мендух Тачи. Поранешниот член на ДИК, Бедредин Ибраими е осуден на четири години и шест месеци затвор, а членовите Анета Стефановска, Влатко Сајковски и Сашо Срцев добија по три години затвор.
Ова е пресудата за случајот „Титаник 2“, односно за изборни нерегуларности на локалните избори во 2013 година, која денеска беше објавена во Кривичниот суд, од судијата Огнен Ставрев.
Обвинителката Фетаи побара притвор за Сашо Мијалков и за Бедредин Ибраими, додека Мендух Тачи ќе биде задолжен да се пријавува пред службено лице.
